HUMBJA E LIBIDOS (PAKËSIMI I EPSHIT SEKSUAL)

• Gjinekologu – ai mund të jetë në gjendje që të ofrojë këshilla apo t’ju referojë te specialisti për vlerësim dhe trajtim

• Terapisti psikoseksual

• Shërbimi i shëndetit seksual; gjejeni shërbimin për informimin dhe mbështetjen e shëndetit seksual

• Relate – shërbimi për mbështetjen e çifteve i cili ka këshillim online për seksin dhe lidhjet, këshillim përmes telefonit dhe online, dhe shërbimet mbështetëse lokale, si edhe terapistët të cilën mund t’i paguani

• Asociacioni i këshillimit seksual – fondacion për shëndet seksual që ka këshillim online për problemet seksuale

Përpiquni të mos ndjeheni të turpëruar për të kërkuar ndihmë. Shumë njerëz përjetojnë probleme me libidonë e tyre dhe kërkimi i ndihmës mund të jetë hapi i parë për zgjidhjen e problemit.

Shkaqet e zakonshme të libidosë së ulët

Problemet e lidhjes

Një prej gjërave të para për t’u konsideruar është nëse jeni të lumtur me lidhjen tuaj. A keni ndonjë dyshim apo brengë që mund të jetë në prapavijë të humbjes suaj të dëshirës seksuale?

Libidoja e ulët mund të jetë pasojë e:

• Të qenit në një lidhje afatgjatë dhe të qenit shumë të afërt me partnerin tuaj

• Humbjes së tërheqjes seksuale

• Konfliktit të pazgjidhur dhe grindjeve të shpeshta

• Komunikimit të dobët

• Besimit të vështirësuar ndaj njëri-tjetrit

• Problemeve seksuale fizike

Nëse keni probleme të vazhdueshme, gjinekologu mund të jetë në gjendje t’ju referojë bashkë me partnerin për këshillim të lidhjes apo mund të kontaktoni Relate për mbështetje dhe këshillim.

Problemet seksuale

Gjëja tjetër për t’u konsideruar është nëse keni problem fizik i cili e vështirëson seksin apo e bën atë të paplotë.

Për shembull, epshi i ulët seksual mund të jetë pasojë e:

• Problemeve të ejakulimit

• Disfunksionit seksual

• Tharjes vagjinale

• Seksit të dhembshëm

• Paaftësisë për arritjen e orgazmës

• Ngushtimit të pavullnetshëm të vagjinës (vagjinizmi)

Stresi, ankthi dhe rraskapitja

Stresi, ankthi dhe rraskapitja mund të jenë konsumuese dhe të kenë ndikim të madh në lumturinë tuaj, përfshirë epshin seksual.

Nëse ndiheni vazhdimisht të lodhur, të stresuar apo anksioz, duhet të bëni ndërrim në stilin tuaj jetësor apo të flisni me gjinekologun për këshilla.

Informatat dhe këshillat e mëposhtme mund të jenë të dobishme:

• Pse jam i/e lodhur tërë kohën?

• Kërkimi i ndihmës për ankthin, frikën apo panikun

• Këshilla për vetëndihmë ndaj lodhjes

• Dhjetë mënyra për pakësimin e stresit

• Ushtrimet respiratore për stresin

Depresioni

Depresioni është ndryshme nga ndjenja thjesht e palumturisë, e mjerimit apo e lodhjes kohëshkurtër. Është sëmundje serioze e cila ndërvepron me të gjitha aspektet e jetës suaj, përfshirë jetën seksuale.

Shtesë libidosë së ulët, shenjat e depresionit mund të jenë:

• Ndjenja e pikëllimit të thellë që nuk largohet dot

• Ndjenja e mungesës së shpresës

• Humbja e interesimit apo e kënaqësisë në gjërat që i keni bërë dikur

Është me rëndësi ta vizitoni gjinekologun nëse mendoni se jeni në depresion. Ata mund t’ju këshillojnë për trajtimin e depresionit, siç është të biseduarit, terapitë dhe antidepresantët.

Libidoja e ulët mund të jetë edhe efekt anësor i antidepresantëve. Flisni me gjinekologun nëse këto janë duke shkaktuar probleme.

Plakja dhe menopauza

Epshi i pakësuar seksuale nuk është pjesë e pashmangshme e plakjes, por është diçka të cilën shumë burra e gra e ndjejnë sa më shumë që plaken.

Mund të ketë shumë arsye për këtë, përfshirë:

• Nivelin e ulët të hormoneve seksuale (estrogjenit dhe testosteronit) para, gjatë dhe pas menopauzës te gratë

• Nivelin e ulët të hormoneve seksuale (testosteronit) në burra

• Problemet shëndetësore të ndërlidhur me moshën, përfshirë problemet me lëvizjen

• Efektet anësore të barnave

Flisni me gjinekologun nëse jeni të brengosur për këtë. Mund t’ju pyesin për simptomat e tjera që i keni dhe mund të kërkojnë teste të gjakut për nivelin e hormoneve tuaja.

Ekzistojnë trajtime për rritjen e nivelit të hormoneve nëse niveli i ulët i tyre shkakton probleme, siç është terapia e zëvendësimit hormonal me apo pa testosteron për gra të cilat kalojnë nëpër periudhën e menopauzës.

​

Shtatzënia, lindja dhe lehonia

Humbja e interesimit për seks është e shpeshtë gjatë shtatzënisë, pas lindjes dhe gjatë lehonisë.

Kjo mund të jetë për shkak të:

• Ndryshimeve në nivelin e hormoneve tuaja

• Ndryshimeve në trupin tuaj dhe pamjes së trupit tuaj

• Rraskapitjes

• Seksit të dhembshëm shkaktuar nga prerja apo gërvishtja e cila ka ndodhur gjatë lindjes

• Prioriteteve të ndryshuara, siç janë fokusimi në kujdesin ndaj fëmijës

Këto çështje mund të zgjidhen me kalimin e kohës. Flisni me gjinekologun nëse epshi seksuale nuk kthehet dhe paraqet problem për juve.

Problemet shëndetësore ekzistuese

Çfarëdo gjendje mjekësore afatgjatë mund të ndikojë në epshin tuaj seksual. Kjo mund të jetë rezultat i tensionimit fizik dhe emocional të cilët mund t’i shkaktojnë këto gjendje apo mund të jetë efekt anësor i terapisë.

Për shembull, libidoja e ulët mund të jetë e ndërlidhur me:

• Sëmundjet e zemrës

• Diabetin

• Tiroiden që funksionon dobët – kur tiroidja nuk prodhon hormone sa duhet

• Kancerin

• Kirurgjinë e madhe – për shembull, kirurgjinë për largimin e vezoreve dhe të mitrës

Flisni me gjinekologun apo specialistin nëse mendoni që libidoja e ulët mund të jetë rezultat i gjendjes ekzistuese shëndetësore apo terapisë.

Barnat dhe kontracepsioni

Barnat e caktuara mund ta pakësojnë ndonjëherë libidonë, përfshirë:

• Barnat për tensionin e lartë të gjakut

• Shumë lloje të antidepresantëve

• Barnat për epilepsi, siç është topiramati

• Barnat që quhen antipsikotikë, siç është haloperidoli

• Barnat për trajtimin e zmadhimit të prostatës, siç është finasteridi

• Kontracepsioni hormonal, siç është tableta, flasteri apo unaza e kombinuar hormonale, tableta me vetëm progesteron, implanti kontraceptiv dhe injeksioni kontraceptiv.

Lexojeni prospektin e barit tuaj për të parë nëse libidoja e ulët është efekti i mundshëm anësor.

Vizitojeni gjinekologun nëse mendoni se bari po ndikon në epshin tuaj seksual. Ka mundësi të kalohet në një bar tjetër.

Alkooli dhe drogat

Konsumimi i sasisë së tepërt të alkoolit për një kohë të gjatë mund ta ulë epshin seksual, prandaj është ide e mirë të mos konsumohet në sasi të tepërta.